Жил бүрийн 2-р сарын 14-нөөс 2-р сарын 28- хүртэл “Архидан согтуурахаас сэргийлэх 15 хоног” болгон тэмдэглэн өнгөрүүлдэг билээ.

Дэлхийн хэмжээнд: Архины хэтрүүлэн хэрэглээ жилд 3 сая хүний нас баралтад хүргэдэг ба 15-аас дээш насны нэг хүнд ногдох архины жилийн дундаж хэрэглээ 16.38 литр спирт байна.

Харин Монгол улсын хувьд архинаас үүдэлтэй нас баралтаар дэлхийд 2-р эрэмбэлэгдэж байна.

15-аас дээш насны нэг хүнд ногдох архины жилийн хэрэглээ 21.9 литр спирт байна.

Монгол Улсын хүн амын 4.44% нь архинаас хамааралтай буюу архинд донтох эмгэгтэй байна.

Өсвөр үеийнхний 70.6% нь согтууруулах ундааг хэрэглэж үзсэн байна.

Эндээс үзэхэд нийт иргэдэд архи согтууруулах ундааны хор хөнөөл, урьдчилан сэргийлэлтийн талаар мэдлэг, мэдээлэл хүргэх нь зайлшгүй шаардлагатай байна.

Та архи согтууруулах ундаанаас татгалзаж, өөрийн эрүүл мэнд болон нийгмийн сайн сайханд үнэтэй хувь нэмэрээ оруулаарай.